喺呢個快節奏嘅都市生活，點樣先可以紓解身心嘅壓力？$321食玩香港花卉展、精油按摩，以及特色東南亞風味下午茶，就係你今個春天最佳嘅選擇！
香港花卉展
如果你想要感受大自然嘅美麗，又唔想去郊外，咁香港花卉展絕對係一個唔可以錯過嘅活動。維多利亞公園舉辦嘅花卉展，展示嚟自世界各地嘅花卉同植物。今屆花展以花色繽紛小巧嘅香彩雀為主題，綻放時極吸睛，絕對係打卡首選！
除咗欣賞到「香彩雀」及各地的花卉，香港花卉展更舉辦一連串教育與娛樂並重嘅活動，拉近人同自然嘅關係，學習植物知識；仲有表演、工作坊、導賞服務等等，加埋超多打卡位，既適合情侶拍拖欣賞，又滿足到一家大細唔同嘅娛樂需要。
Hears HK香港專業採耳
睇完花展行到攰，需要好好嘅休息一下？維園附近嘅Hears HK香港專業採耳推出【60分鐘耳燭+面部按摩】組合75折優惠，適合紓緩勞碌情緒。
喺香港，你可以揀到各式各樣嘅按摩服務，Hears HK用天然香薰精油進行面部按摩，除了觸覺，更注重嗅覺及精油效果，令你感受身體嘅輕盈同埋放鬆。不論你係忙碌嘅工作中需要放鬆身心，定係需要一個鬧市中嘅綠洲減壓，耳燭+按摩都係一個非常好嘅選擇。
滿足完視覺、放鬆埋身心，係時候醫吓肚仔。除咗傳統嘅英式下午茶，有冇試過東南亞特色三層架下午茶呢？
Kampoeng東南亞餐廳
呢間隱世東南亞餐廳都喺維園附近，不過要落地庫，極少人知。每逢紅日好多外傭會去聚餐，你就知一定係正宗東南亞菜。
東南亞風味三層架下午茶有沙嗲串燒、沙律、特色糕點等等，有鹹有甜，口感豐富。精美嘅糕點添加椰漿、斑蘭、椰糖等食材製成，色彩繽紛，味道香甜。
最重要係品嚐到各種新穎嘅口味之餘，仲可以影返幾張不同風格美照，比起睇到悶嘅西式點心，呢個三層架下午茶絕對令人眼前一亮！
耳燭+按摩、香港花卉展同埋東南亞特色三層架下午茶，滿足到你放鬆身心、享受美好時光，春日限定活動，快啲黎體驗啦！
4小時抵食抵玩攻略
1.5小時花卉展遊覽 → 1小時耳燭+面部按摩 → 1.5小時嘆下午茶
Hears HK香港專業採耳
地點：糖街15-23號銅鑼灣中心15樓1503-10室
時間：11:00 - 22:00 (20:00 last booking)
費用：【60分鐘耳燭+面部按摩】組合優惠$199
Kampoeng東南亞餐廳
地點：糖街1-5號銅鑼灣商業大廈地庫
時間：11:00 - 22:00
費用：【三層架下午茶】$108
電話：2488 1492
香港花卉展
地點：維多利亞公園
展覽日期：3月15-24日，9:00 - 21:00
費用：
全費:14元 優惠收費: 7元
星期一至星期五期間之入場優惠
60歲或以上長者免費參觀
殘疾人士及其照顧者免費參觀 (每名殘疾人士只可與一名同行照顧者同享優惠)
30人或以上的團體可獲成人半價優惠，惟團員必須一同進場